Ngizulu ami ku Canada yatukisa lebakana kua kunene mu mwuela'mi mu diambu dia matedi nza yayi ye mayindu ma mpila mu mpila mu mvwilu a lekua bia nza.  Yakatuka ku Vancouver, B.C. buala bundi yiza tudila ku Canada, mu kuenda vuandi ku Montréal.  Ya kala mvu minya ku Montréal, Qc nate ye ndiele vutuki ku Vancouver, B.C. mu kala kuna ye longuka ki ngeloso.
         

Lebakana ye mayindu mu bilekua bia nza evo mambu manza yayi manata zimpasi mu mwela'mi.

         

Mamo ma ya zola vanga, makala ma bedusua.  Ndi yenda kota zi nzo zitatu za tata Nsambi, kasi ya tambula lekwa ko.  Mpasi zami, za luta ngolo,  kadi ka sekuka nzo Nsambi ko yi vananga mpulusu, kasi ntima usekuka uvananga luvovomo.

         

Matai 6:33-34 «Lu tomba ntete kinfumu kia mazulu…»

                                     

«Ka lukalandi mayindu ko mu lumbu kia mbazi…»

                   

Mu ngonde ya ntatu mu mvu wa 1996 ku Vancouver, B.C., ya tumusua mu kuenda ku lukutukunu mu dibundu dia Sr Collins.  Ya wa malongi ma tata Nsambi ma longua mu lulendo lua mpeve ya nlongo.  Ya tambula malongi momo mu ntimami, ye yalomba mlemvo kua Mfumu Yesu mu mambi mamo.

         

Mfumu Yesu wa ndem'vukila ye mpeve ya nlongo ya yiza mu ntima'mi.  Mfumu wa katula lebakana ye mabanza mamo manza ye watula luvovomo ye kiese kia zulu mu ntima'mi, ye mu mwuela mi.  Ye ya tambula zingu kia mona.                     

         

Bibila kivovele mu Matai 11:28  «Luiza kwa mono, beno babo luena ba lebakana ye nati a bizitu, mono siya kulu vundisa»

         

1 Yoane 1:9  «Vo tutambudidi masumu meto kwa Yesu, yandi sika kutu lemvukila ye kutu vedisa mu yambi ya yonso».

         

Ngiena ye mayangi mu ntima'mi mu vulusua ye mu zaba Yesu mu Kedika, ye mu zaba vo zina diami dia sonama ku zulu.  Bika nkumbu a Mfumu Yesu yi kembusua.  Mvutudi mpe matondo ma mpuele maka malendi suka ko,  mu diambu dia zi nkutukunu mu dibundu dia sielo kiandi kia nketo Sr Collins.

         

Matondo diaka kua Mfumu mu mamo matueti tambula mu mdongolo, mu zi nduengosolo mu malongi ma nkadulu mu nzila Nsambi ye mu zi nsambudulu zazo.

         

Sr Collins i Nsamuni waKedika.  Weti longa mambu ma Nsambi nate ye lumbu kiaki, mu lulendo lua mpeve ya nlongo, mu bunga ye bebisa mavanga ma satana mu miela mi batu.

         

Idiau, batu ba vuata fuani kia ma meme mu dibundu, ye kabena ma meme ma Kedika ko, bau i zi nkonsi.  Batu bobo, ba totuka mu dibundu bau veka ye bayenda sonika ye vova mambu ma luvunu ye makondolo nsundu mu diambu dia Sr Collins ye dibundu.  Batu bobo, bazolele votikisa dibundu dia tata Nsambi.  Yuda 4

Kwa beno lueti tanga:

• Wa Kedika Kia Mfumu Yesu Kieti longua Kua Sr Collins, Nsamuni wa Kedika, wa solua kua Tata Nsambi.
• Kadi zibula matu meno mu wa luvunu lwa satana ye batu bandi ba yaluwa kwa mpeve za sumuka.  Kadi batu bobo beti vanga mambi ye bankwa masumu bena.  Ba zolele tula nkindu mu dibundu dia Sr Collins, ye beti sonika mambu ma luvunu beni ye vekisa mo mu bifulu.  Kasi kaba beki lulendo mu bunga dibundu dia tata Nsambi ko.  «Lulenda kuiza tala ye mekisa bonso bwena nlemvo a Mfumu Yesu»
• Nate ye bwabu, Mfumu weti nata batu mu dibundu, ba zolele mpulusu, ba zolele tambula Kedika kia Yesu mu ntima miau, ye ba zolele niaka mu bimbevo mpe.
• Bobwau, Mfumu weti tatamana sadila sielo kiandi kia nketo, mu ndongolo a mambu ma Nzambi maKedika ye mu zinsambudulu zandi kua makanda mamo mu nsi zazo.

Mu manisa:  Sr Collins i Nsamuni wa Kedika, ye weti zingila mu Kedika  Kia Mfumu Yesu, ye mu luzolo lua Mfumu kua batu ba zi nsi zazo.  1 Yoane 5:20

Ntondele beni kua Sr Collins.

Bernice Nzumba Baku-Vuvu

République Démocratique du Congo (RDC)